വിജിലൻസ് എങ്ങനെ വിവരാവകാശ നിയമത്തിന്റെ പുറത്താകും

അഴിമതി മൂടിവെക്കാനുള്ള നീക്കമോ?

 വിജിലൻസിനെ വിവരാവകാശത്തിൽനിന്ന് ഒഴിവാക്കുന്നതിനെതിരെ ശക്തമായ പ്രതിഷേധം

ജനാധിപത്യത്തിൽ പൗരന്റെ ഏറ്റവും വലിയ ആയുധങ്ങളിലൊന്നാണ് വിവരാവകാശ നിയമം. ഭരണസംവിധാനങ്ങളിലെ സുതാര്യത ഉറപ്പുവരുത്താനും അഴിമതികൾ പുറത്തുകൊണ്ടുവരാനും സാധാരണക്കാർക്ക് കരുത്താകുന്ന ഈ നിയമത്തിന്റെ പരിധിയിൽ നിന്ന് സംസ്ഥാന വിജിലൻസ് ആൻഡ് ആന്റി കറപ്ഷൻ ബ്യൂറോയിലെ പ്രധാന വിഭാഗങ്ങളെ ഒഴിവാക്കിക്കൊണ്ട് കേരള സർക്കാർ പുറത്തിറക്കിയ ഉത്തരവ് വലിയ നിയമ-ധാർമ്മിക ചോദ്യങ്ങൾ ഉയർത്തുകയാണ്.

പൊതുഭരണ വകുപ്പ് 2026 ഒക്ടോബർ 22-ന് പുറപ്പെടുവിച്ച വിജ്ഞാപനത്തിലൂടെയാണ് (G.O.(P) No. 23/2026/GAD, S.R.O. No. 856/2026) വിജിലൻസ് ആസ്ഥാനത്തെ 'T1', 'T2' സെക്ഷനുകളെ വിവരാവകാശ നിയമത്തിന്റെ പരിധിയിൽ നിന്ന് പൂർണ്ണമായും ഒഴിവാക്കിയത്. മന്ത്രിമാർ, ഉന്നത ജനപ്രതിനിധികൾ, മുതിർന്ന ഉദ്യോഗസ്ഥർ എന്നിവർക്കെതിരെയുള്ള അതീവ രഹസ്യ സ്വഭാവമുള്ള അഴിമതി പരാതികളും പ്രാഥമിക അന്വേഷണങ്ങളും കൈകാര്യം ചെയ്യുന്നത് വിജിലൻസിന്റെ ഈ 'ടി' സെക്ഷനുകളിലാണ്.

എന്തുകൊണ്ട് ഈ സർക്കാർ ഉത്തരവ് നിയമവിരുദ്ധമാകുന്നു?

ഈ എക്സിക്യൂട്ടീവ് ഉത്തരവ് നിലവിലെ നിയമങ്ങൾക്കും കോടതി ഉത്തരവുകൾക്കും കടകവിരുദ്ധമാണെന്ന് ചൂണ്ടിക്കാട്ടി നാട്ടൊരുമ പൗരാവകാശ സമിതി സംസ്ഥാന ട്രഷറർ ശ്രീ അബ്ദുൽ അസീസ്. പി.പി ഗവർണർക്കും ചീഫ് സെക്രട്ടറിക്കും സംസ്ഥാന മുഖ്യ വിവരാവകാശ കമ്മീഷണർക്കും സമഗ്രമായ നിവേദനങ്ങൾ സമർപ്പിച്ചിട്ടുണ്ട്. ഉത്തരവിനെതിരെ പ്രധാനമായും ഉയർന്നുവരുന്ന വാദങ്ങൾ താഴെ പറയുന്നവയാണ്:

 * സുപ്രീം കോടതി വിധിയുടെ നഗ്നമായ ലംഘനം:

   അഴിമതി നിരോധന നിയമപ്രകാരം പ്രവർത്തിക്കുന്ന അന്വേഷണ ഏജൻസികൾ വിവരാവകാശ നിയമത്തിലെ സെക്ഷൻ 24(4) പ്രകാരമുള്ള 'ഇന്റലിജൻസ് ആൻഡ് സെക്യൂരിറ്റി ഓർഗനൈസേഷൻ' (രഹസ്യാന്വേഷണ-സുരക്ഷാ വിഭാഗങ്ങൾ) അല്ലെന്ന് ബഹുമാനപ്പെട്ട സുപ്രീം കോടതി വ്യക്തമായി വിധിച്ചിട്ടുള്ളതാണ് (Special Police Establishment v. Kamta Prasad Mishra & Others, 2026). അതിനാൽ എക്സിക്യൂട്ടീവ് വിജ്ഞാപനത്തിലൂടെ വിജിലൻസിനെ വിവരാവകാശത്തിൽനിന്ന് ഒഴിവാക്കാൻ സർക്കാരിന് യാതൊരു നിയമപരമായ അധികാരവുമില്ല.

 * നിയമത്തിലെ വകുപ്പുകൾക്ക് എതിര്:

   വിവരാവകാശ നിയമത്തിലെ സെക്ഷൻ 24(4)-ന്റെ ഒന്നാം വ്യവസ്ഥ (First Proviso) പ്രകാരം, പൂർണ്ണമായി ഒഴിവാക്കപ്പെട്ട ഒരു സുരക്ഷാ ഏജൻസിയാണെങ്കിൽ പോലും അഴിമതി ആരോപണങ്ങളും മനുഷ്യാവകാശ ലംഘനങ്ങളും സംബന്ധിച്ച വിവരങ്ങൾ പൗരന്മാർക്ക് നൽകാതിരിക്കാൻ സർക്കാരിന് കഴിയില്ല. അഴിമതി അന്വേഷിക്കുന്ന ഒരു പ്രധാന വിഭാഗത്തെ മൊത്തമായി ഒഴിവാക്കുന്നത് വിവരാവകാശ നിയമത്തിന്റെ അന്തഃസത്തയെത്തന്നെ തകർക്കുന്നതാണ്.

 * മുമ്പ് പിൻവലിച്ച അതേ ഉത്തരവിന്റെ തനിയാവർത്തനം:

   2016-ൽ ഇതേ രീതിയിൽ വിജിലൻസിന്റെ 'T' ബ്രാഞ്ചിനെ ഒഴിവാക്കിക്കൊണ്ട് സർക്കാർ ഇറക്കിയ ഉത്തരവ് (G.O.(P) No. 7/2016/GAD) കേരള ഹൈക്കോടതി ഡിവിഷൻ ബെഞ്ച് സ്റ്റേ ചെയ്തിരുന്നു. ഉത്തരവ് നിയമപരമായി നിലനിൽക്കില്ലെന്ന് ബോധ്യപ്പെട്ടതിനെത്തുടർന്ന് 2022 ജനുവരി 9-ന് സർക്കാർ തന്നെ അത് സ്വമേധയാ പിൻവലിച്ചതാണ്. എന്നാൽ അതേ ഉത്തരവ് തന്നെ ഇപ്പോൾ 'T1', 'T2' എന്ന് പേരുമാറ്റി വീണ്ടും ഇറക്കിയിരിക്കുന്നത് ഹൈക്കോടതി നടപടികളെയും നീതിന്യായ വ്യവസ്ഥയെയും വെല്ലുവിളിക്കുന്നതിന് തുല്യമാണ്.

ആവശ്യമോ അതോ ഒളിച്ചുകളിയോ?

ഉന്നതർ ഉൾപ്പെടുന്ന അഴിമതി ആരോപണങ്ങളുടെ നിജസ്ഥിതി അറിയാനുള്ള ജനങ്ങളുടെ ഭരണഘടനാപരമായ അവകാശത്തെ തടഞ്ഞുവെക്കാൻ ഭരണകൂടം ശ്രമിക്കുന്നത് എന്തിനാണ്? അഴിമതി അന്വേഷണങ്ങൾ സുതാര്യമായി നടക്കേണ്ടതുണ്ടെന്നിരിക്കെ, വിജിലൻസ് ഫയലുകൾക്ക് മേൽ അനാവശ്യമായ രഹസ്യ സ്വഭാവം കെട്ടിവെക്കുന്നത് ജനാധിപത്യപരമായ ഭരണസംവിധാനത്തിന് യോജിച്ചതല്ല.

ഭരണഘടനാവിരുദ്ധമായ ഈ വിജ്ഞാപനം അടിയന്തരമായി പിൻവലിക്കണമെന്നും, വിജിലൻസ് സെക്ഷനുകളിലെ അഴിമതി വിരുദ്ധ പരാതികളിൽ വിവരാവകാശ നിയമപ്രകാരമുള്ള സുതാര്യത പുനഃസ്ഥാപിക്കണമെന്നുമാണ് ഉയരുന്ന പ്രധാന ആവശ്യം. സർക്കാർ ഈ തിരുത്തലിന് തയ്യാറാകാത്ത പക്ഷം നീതി തേടി വീണ്ടും ഹൈക്കോടതിയെ സമീപിക്കുമെന്ന നിലപാടിലാണ് പൊതുപ്രവർത്തകർ.

അഴിമതിക്കെതിരായ പോരാട്ടത്തിൽ ജനങ്ങൾക്കുള്ള പ്രധാനപ്പെട്ട കാവലാളായ വിവരാവകാശത്തെ ഇല്ലാതാക്കാൻ അനുവദിച്ചുകൂടാ; പൗരന്റെ അറിയാനുള്ള അവകാശം സംരക്ഷിക്കപ്പെടുക തന്നെ വേണം.

സേവനാവകാശ നിയമം

സേവനാവകാശ നിയമം (Right to Service Act) 

സേവനം പൗരന്റെ അവകാശമാക്കുന്ന ഇന്ത്യയിലെ നിയമമാണ് സേവനാവകാശ നിയമം (Right to Service Act). സർക്കാർ വകുപ്പുകളും തദ്ദേശസ്വയംഭരണ വകുപ്പുകളും നടത്തുന്ന എല്ലാവിധ സേവനങ്ങളും ജനങ്ങളുടെ അവകാശമാണെന്ന് പ്രഖ്യാപിക്കുന്ന നിയമമാണ് ഇത്. ഈ നിയമം അനുശാസിക്കുന്നതനുസരിച്ച്, സർക്കാർ സേവനങ്ങൾ സമയബന്ധിതമായി നൽകാത്തവർക്കു പിഴ അടക്കമുള്ള ശിക്ഷകൾ ഏറ്റുവാങ്ങേണ്ടി വരും.

കേരള സംസ്ഥാന സേവനാവകാശ നിയമം 2012

---------------------------------------------------------------------------

കേരളം 2012 ജൂലൈ 12 ന് സേവനാവകാശ നിയമം പാസ്സാക്കി. കേരള സംസ്ഥാന സേവനാവകാശ നിയമം 2012, 2012 നവംബർ 1-)0 തിയ്യതി പ്രബല്യത്തിൽ വന്നു.

സേവനം

--------------

സേവനം എന്നാല്‍ എന്ത് എന്നത് ഈ നിയമത്തിന്റെ 2-)0 വകുപ്പിൽ നിർവ്വചിച്ചിട്ടുണ്ട്. സേവനം എന്നാൽ, തൽസമയം പ്രാബല്യത്തിരിക്കുന്ന ഏതെങ്കിലും നിയമത്തിലെ വ്യവസ്ഥകൾ പ്രകാരമോ അതാത് സമയം സർക്കാർ പുറപ്പെടുവിക്കുന്ന ഉത്തരവുകൾ പ്രകാരമോ ഏതെങ്കിലും സർക്കാർ വകുപ്പോ അതിനു കീഴിലോ അല്ലെങ്കിൽ ഏതെങ്കിലും തദ്ദേശ സ്വയം ഭരണ സ്ഥാപനമോ അല്ലെങ്കിൽ ഒരു സംസ്ഥാന പൊതുമേഖലാ സ്ഥാപനമോ അല്ലെങ്കിൽ ഒരു നിയമാധിഷ്ടിത നികായമോ ജനങ്ങൾക്ക് പ്രധാനം ചെയ്യേണ്ടതായ 3-)0 വകുപ്പിൽ വിജ്ഞാപനം ചെയ്യപ്പെടാവുന്ന ഏത്ര്ങ്കിലും സേവനമാണ് . 

സേവനാവകാശം

----------------------------

 സേവനാവകാശം എന്നാൽ നിശ്ചിത സമയപരിധിക്കുള്ളിൽ ഒരു സേവനം ലഭിക്കുന്നതിന് അരഹതയുള്ള ഒരാൾക്കുള്ള അവകാശമാണ്.ഒരാളിൽ നിന്നും സേവനത്തിനു വേണ്ടിയുള്ള അപേക്ഷ ലഭിച്ചാൽ നിയുക്ത ഉദ്യോഗസ്ഥൻ ആ സേവനം നൽകുകയോ അല്ലെങ്കിൽ നിശ്ചിത സമയത്തിനുള്ളിൽ ആ അപേക്ഷ നിരസിക്കുകയോ ചെയ്യേണ്ടതാണ്. ഇപ്രകാരം അപേക്ഷ നിരസിക്കുമ്പോൾ അദ്ദേഹം അതിനുള്ള കാരണങ്ങൾ രേഖാമൂലം വിവരിക്കേണ്ടതാണ്. കൂടാതെ അപേക്ഷിക്കുന്ന ആൾക്ക് നിർബന്ധമായും റസീപ്റ്റ് നൽകേണ്ടതുമാണ്. അപേക്ഷ തീർപ്പാക്കാൻ എന്തെങ്കിലും രേഖകൾ ആവശ്യമാണെങ്കിൽ അക്കാര്യം ഉദ്യോഗസ്ഥൻ (ഫോം നമ്പർ -1) രേഖപ്പെടുത്തേണ്ടതാണ്. അപേക്ഷ ലഭിച്ച തിയതി മുതൽ നിശ്ചിത സമയ പരിധി ആരംഭിക്കുന്നതാണ്. അപേക്ഷകൻ രേഖകൾ ഹാജരാക്കാനുണ്ടെങ്കിൽ രേഖകൾ ഹാജരാക്കിയ തിയതി മുതല്ക്കാകും സമയ പരിധി തുടങ്ങുക. കാലാവധി കണക്കാക്കുമ്പോൾ പൊതു അവധി കൂട്ടുവാൻ പാടില്ല.നിശ്ചിത സമയപരിധിക്കുള്ളിൽ സേവനം ലഭ്യമാക്കിയില്ലെങ്കിലോ അല്ലെങ്കിൽ അപേക്ഷ നിരസിക്കപ്പെട്ടതോ ആയ ഒരാൾക്ക് ഒന്നാം അപ്പീൽ അധികാരി മുമ്പാകെ അപേക്ഷ നിരസിച്ച അല്ലെങ്കിൽ നിശ്ചിത സമയ പരിധി അവസാനിച്ച് 30 ദിവസത്തിനുള്ളിൽ അപ്പീൽ സമർപ്പിക്കാവുന്നതാണ്. 

സമയപരിധിക്കുള്ളിൽ സേവനം ലഭ്യമാക്കുന്നതിൽ നിയുക്ത ഉദ്യോഗസ്ഥൻ വീഴ്ച വരുത്തുകയാണെങ്കിൽ ആ ഉദ്യോഗസ്ഥനെതിരെ 8-)0 വകുപ്പിൽ വ്യവസ്ഥ ചെയ്തിരിക്കുന്ന ശിക്ഷ ചുമത്താവുന്നതാണ്. മതിയായതും യുക്തിസഹമായ കാരണങ്ങളില്ലാതെ സേവനം നൽകുന്നതിൽ നിയുക്ത ഉദ്യോഗസ്ഥൻ വീഴ്ച വരുത്തിയാൽ രണ്ടാം അപ്പീൽ അധികാരിക്ക് രേഖാമൂലമുള്ള ഒരു ഉത്തരവു വഴി കാരണങ്ങൾ വിവരിച്ചു കൊണ്ട് നിയുക്ത ഉദ്യോഗസ്ഥനുമേൽ 500 രൂപയിൽ കുറയാത്തതും 5000/- രൂപയിൽ കൂടാത്തതുമായ ഒരു പിഴ ചുമത്താവുന്നതാണ്.നിയുക്ത ഉദ്യോഗസ്ഥൻ സേവനം നൽകുന്നതിൽ കാലതാമസം വരുത്തിയാൽ ഇപ്രകരം താമസം വരുത്തിയ ഓരോ ദിവസത്തിനും 250/- രൂപ നിരക്കിൽ പരമാവധി 5000/- രൂപ വരെ പിഴ ഈടാക്കാവുന്നതാണ്

സേവനാവകാശ നിയമത്തിന്റെ പരിധിയിൽ വരുന്ന സർക്കാർ സേവനങ്ങൾ സംബന്ധിച്ച കൂടുതൽ വിവരങ്ങൾ ബന്ധപ്പെട്ട സർക്കാർ വകുപ്പുകളുടെ വെബ്സൈറ്റുകളിൽ ലഭ്യമാണ്

 

റേഷൻ അരിയിലെ മറിമായം

         കാർഷിക വിപ്ലവവും ഭക്ഷ്യ സ്വയം പര്യാപ്‍ത്തതയും ശാസ്ത്ര നേട്ടമായി കൈവരിച്ച രാജ്യമാണ് ഇന്ത്യ എന്നതിൽ അഭിമാനിക്കുന്നരാണ് നമ്മെളെല്ലാം, എന്നാൽ പരാമർശിത ശാസ്ത്രീയ നേട്ടത്തിൻറെ ഭാഗമായ ഉന്നത ഗുണനിലവാരമുള്ള കാർഷിക ഉത്പന്നങ്ങൾ പൊതു വിപണിയിൽ നമുക്ക് ന്യായ വിലയിൽ ലഭ്യമാണോ എന്ന ചോദ്യത്തിനുള്ള വ്യകതവും സ്പഷ്ടവുമായ ഉത്തരമാണ് സർക്കാർ പൊതുവിതരണ കേന്ദ്രങ്ങൾ വഴി ലഭിക്കുന്ന റേഷൻ അരി,

 കാഴ്ചയിൽ ആകർഷണീയമായതും മുഴുത്തതും ഭഷ്യ ഗുണ നിലവാരവുമുള്ളതുമായ വിവിധ ഇനം അരികളുടെ അത്യുല്പ്പാദന ശേഷിയുള്ള നെൽ വിത്തിനങ്ങൾ ശാസ്ത്രീയമായി വികസിപ്പിക്കുകയും കേന്ദ്ര സംസ്ഥാന കൃഷി വകുപ്പുകൾ പ്രാദേശിക കൃഷി ഓഫീസർമാർ മുഖേന വിതരണം ചെയ്യുകയും, ഈ വിത്തിനങ്ങൾ കൃഷി ചെയ്യുന്ന കർഷകർക്ക് മാത്രം സബ്‌സിഡികളും മറ്റ് ആനുകൂല്യങ്ങളും നൽകുകയും ചെയ്യുമ്പോൾ 

   അത്യുല്പ്പാദന ശേഷിയുള്ള നെൽ വിത്തിനങ്ങളുടെ ഉത്പാദന ക്ഷമതയും കളകളെയും ശത്രു പ്രാണികളെയും ചെറുക്കാനുള്ള ഉയർന്ന ശേഷി കാരണമായി കുറഞ്ഞ കള/കീട നാശിനിയുടെ ഉപയോഗവും കാലാവസ്ഥാ വ്യതിയാനങ്ങളെ ചെറുക്കാനുള്ള മികച്ച ശേഷിയും, ശാസ്ത്രീയമായ വളപ്രയോഗം മതി എന്നതിനാൽ കുറഞ്ഞ അളവിലുള്ള വളങ്ങളും, മിതമായ  കൂലി ചെലവും, അത്യുല്പ്പാദന ശേഷിയുള്ള നെൽ വിത്തിനങ്ങളുടെ കൃഷി കർഷകന് ലാഭകരമായതിനാൽ മറ്റ് നെൽ വിത്തിനങ്ങൾ കർഷകൻ തിരഞ്ഞെടുക്കില്ല    

  രാജ്യ വ്യാപകമായി കേന്ദ്ര സംസ്ഥാന കൃഷി വകുപ്പുകൾ പ്രാദേശിക കൃഷി ഓഫീസർമാർ മുഖേന വിതരണം ചെയ്യുന്ന  അത്യുല്പ്പാദന ശേഷിയുള്ള നെൽ വിത്തിനങ്ങളുടെ കൃഷിയിലൂടെ കർഷകൻ ഉൽപാദിപ്പിക്കുന്ന അരി പ്രാദേശിക കൃഷി ഓഫീസർമാർ മുഖേന സിവിൽസപ്ലൈസ് അല്ലെങ്കിൽ അതാത് സംസഥാനങ്ങളിലെ ബന്ധപ്പെട്ട ഏജന്സികൾ സംഭരിച്ച് മില്ലുകളിൽ എത്തിച്ച് അരിയാക്കി റേഷൻ കടകൾ ഉൾപ്പെടെയുള്ള പൊതു വിതരണ കേന്ദ്രങ്ങളിലൂടെ സബ്‌സീഡി നൽകി ന്യായ വിലക്ക് പൊതു ജനത്തിന് വിൽക്കുന്നു അത് വഴി വിപണിയിലെ വിലക്കയറ്റം നിയന്ത്രിക്കുന്നു എന്നാണ് പറയുന്നത് 

     എന്നാൽ പൊതു വിതരണ കേന്ദ്രങ്ങളിലൂടെ സബ്‌സീഡി നൽകി ന്യായ വിലക്ക് പൊതു ജനത്തിന് വിൽക്കുന്ന അരികളിൽ മേൽ സൂചിപ്പിച്ച അത്യുല്പ്പാദന ശേഷിയുള്ള നെൽ വിത്തിനങ്ങളുടെ അരികൾ കാണുന്നുണ്ടോ  (സമാനമായ അരികൾ തമിഴ്‌നാട്, ഒഡിഷ മില്ലുകളുടെ വിലാസങ്ങളിൽ തനി മലയാളി ബ്രാൻഡുകളിൽ നാട്ടിൽ സുലഭമായി ലഭിക്കുന്നുണ്ട് എന്നാൽ അവയിൽ പല ചാക്കുകളിലും കാണുന്ന ഫോൺ നമ്പറും വിലാസവും പരിശോധിച്ചാൽ നമ്മുടെ അരികൾ എവിടെ പോകുന്നു എന്നതിന് ഉത്തരം കിട്ടുമോ എന്ന് പരിശോധിക്കേണ്ടതുണ്ട് 

അഴിമതി കേസില്‍ ഉന്നത ഉദ്യോഗസ്ഥരുട അറസ്റ്റിന് കേന്ദ്രസര്‍ക്കാര്‍ അനുമതി ആവിശ്യമില്ലെന്ന്, മുന്‍കാലപ്രാബല്യത്തോടെയുള്ള സുപ്രീം കോടതി ഭരണഘടനാ ബെഞ്ചിന്‍റെ നിര്‍ണായക വിധി

 അഴിമതി കേസില്‍ ഉന്നത ഉദ്യോഗസ്ഥരുട അറസ്റ്റിന് കേന്ദ്രസര്‍ക്കാര്‍ അനുമതി ആവിശ്യമില്ലെന്ന്, മുന്‍കാലപ്രാബല്യത്തോടെയുള്ള സുപ്രീം കോടതി ഭരണഘടനാ ബെഞ്ചിന്‍റെ നിര്‍ണായക വിധി, ജോയിന്‍സെക്രട്ടറി മുതല്‍ മുകളിലോട്ടുള്ള ഉദ്യോഗസ്ഥരുടെ അറസ്റ്റിന് മുന്‍കൂര്‍ അനുമതി വേണമെന്ന  ദില്ലി പൊലീസ് ആക്ടിലെ 6 എ സുപ്രീംകോടതി 2014 ല്‍ എടുത്തുകളഞ്ഞിരുന്നു. 

 

വിധിയുടെ പകർപ്പ് pdf ലിങ്ക് 

സർക്കാർ ആശുപത്രികളിലെ ഡോക്റ്റർമാരുടെയും മറ്റു ജീവനക്കാരുടെയും....

 സർക്കാർ ആശുപത്രികളിലെ ഡോക്റ്റർമാരുടെയും മറ്റു ജീവനക്കാരുടെയും ഉത്തര വാദിത്തങ്ങൾ ജോലി സമയം തുടങ്ങിയ വിവരങ്ങൾ അടങ്ങിയ സർക്കുലറുകൾ ഗൂഗിൾ ഡ്രൈവിൽ തുറന്നു കാണാനുള്ള ലിങ്ക് 

വിവരാവകാശ നിയമത്തിൻറെ ആത്മാവായ നാലാമത്തെ വകുപ്പ് നടപ്പാക്കുന്നതിൽ വീഴ്ച വരുത്തിയ പാലക്കാട് ഡപ്യൂട്ടി ഡയറക്റ്ററുടെ ഓഫീസിനെതിരെയുള്ള

  ഉത്തരവ് ലിങ്ക്-1   

  അന്തിമ ഉത്തരവ്-2  

( ഉത്തരവിൽ കൂടുതൽ ഒന്നും പ്രതീക്ഷിക്കരുത് എന്ന് പറയാതെ പറഞ്ഞു )

 അപേക്ഷകന്‍ ആവിശ്യപെട്ടാല്‍ വിവരങ്ങളും രേഖകളും നല്‍കാന്‍ പാകത്തിന് കാലാനുകതമായ സൂചിക തയ്യാറാക്കി സൂക്ഷിക്കുക എന്നത് എല്ലാ പൊതുഅധികാരികളുടെയും നിയമപരമായ ബാധ്യതയാകുന്നു, വിവരാവകാശ നിയമ പ്രകാരം ഒരു വിഷയത്തെ കുറിച്ച് വിവരങ്ങള്‍ ആവിശ്യപെടുമ്പോള്‍ ക്രോഡീകരിച് സൂക്ഷിക്കുന്നില്ല ക്രോഡീകരിച്ച്/തയ്യാറാകി നല്‍കുന്നത് ഓഫീസിന്‍റെ പ്രവര്‍ത്തനത്തെ ബാധിക്കും എന്ന മറുപടി നല്‍കി വിവരങ്ങള്‍ നിഷേധിക്കുന്നത് അസാധാരണമായ നടപടിയല്ലാതായിരിക്കുന്നു, വിവരാവകാശ നിയമത്തില്‍ തന്നെ വ്യവസ്ഥയുള്ള വിവരങ്ങള്‍ പോലും നിഷേധിക്കപെട്ട അസാധാരണ നടപടിയാണ് ഈ വിഷയത്തിൽ എതിര്‍കക്ഷികള്‍ നടത്തിയിരിക്കുന്നത്

പരാതികളിൽ സ്വീകരിച്ച നടപടികൾ വിവരാവകാശ നിയമ പ്രകാരം അറിയുന്നതിന്

  വിവരാവകാശ നിയമം 2005 6(1), 6(3) പ്രകാരം വിവരങ്ങളും, രേഖകളുടെ സാക്ഷ്യപെടുത്തിയ പകര്‍പ്പുകളും ലഭിക്കുന്നതിനുളള അപേക്ഷ

അപേക്ഷകൻ,                                                                    തിയ്യതി: 04.09.2023, തിരൂര്‍ക്കാട്

ഷഹീർ ചിങ്ങത്ത്

മൊബൈല്‍ 9995219925

തിരൂർക്കാട് 679 321

ഇമെയിൽ shaheeramc@gmail.com 

സ്വീകർത്താവ്,

സ്റ്റേറ്റ് പബ്ലിക് ഇൻഫർമേഷൻ ഓഫീസർ

കെ എസ് ആർ റ്റി സി  കാര്യാലയം പെരിന്തൽമണ്ണ 

വിഷയം:-   1 - 01/01/2005 ലെ 19754/എ.ആര്‍. 13(2/04ഡി പൊ.ഭ.വ സര്‍കുലര്‍, 2 - 8/02/2005 ലെ  1209/എ.ആര്‍. 13(2/05ഡി പൊ.ഭ.വ സര്‍കുലര്‍, 3 - 04/06/2005 ലെ  7068/എ.ആര്‍. 13(2/05ഡി പൊ.ഭ.വ സര്‍കുലര്‍, 4 - 10/05/2006 ലെ  3435/എ.ആര്‍. 13(2/06ഡി പൊ.ഭ.വ സര്‍കുലര്‍, 5 - 23/02/2008 ലെ  1257/എ.ആര്‍. 13(2/08ഡി പൊ.ഭ.വ സര്‍കുലര്‍, 6 - 12/01/2009 ലെ   168/എ.ആര്‍. 13(2/09ഡി പൊ.ഭ.വ സര്‍കുലര്‍, 7 - 19/05/2011 ലെ 18825/സി.ഡി.എന്‍3/10 പൊ.ഭ.വ സര്‍ക്കുലര്‍, 8 - പൊതുഭരണ (ഏകോപന) വകുപ്പ്  സര്‍ക്കുലര്‍ നമ്പർ 18825/സി.ഡി.എന്‍3/10 പൊ.ഭ.വ 19/05/2011, 9 - ഉദ്യോഗസ്ഥ ഭരണപരിഷ്കാര വകുപ്പ് സര്‍ക്കുലര്‍ നമ്പര്‍ 11433/എ.ആര്‍13(2)/2015 /ഉഭപവ 2015 ജൂലൈ 16 സർക്കുലറുകൾ പ്രകാരമുള്ള രസീതികളും, സർകുലറുകളിലെ വ്യവസ്ഥകൾ  പ്രകാരമുള്ള മറുപടികളും അന്തിമ തീർപ്പുകളും സംബന്ധിച്ച വിവരാവകാശ നിയമ അപേക്ഷ   

സൂചന:- പെരിന്തല്‍മണ്ണ കെ.എസ്.ആര്‍.ടി.സി ബസ് സ്റ്റാന്‍റില്‍ ശാരീരിക വിഷമതകളുള്ള പൗരജനത്തിന് അവര്‍ വരുന്ന വാഹനത്തില്‍ തന്നെ  സുരക്ഷിതമായി വന്നിറങ്ങുന്നതിനും പ്രയാസമില്ലാതെ വീൽചെയർ സൗകര്യം ഉപയോഗിച്ച് ബസ്സിൽ കയറുന്നതിനും വേണ്ട സംവിധാനം നിലവിലില്ല എന്നത് സംബന്ധിച്ച 22.05.2023 തിയതിയിലെ അപേക്ഷകൻറെ പരാതി   

1. സൂചനയിലെ പരാതിയുടെ ഫയൽ നമ്പർ വ്യക്തമാക്കുന്ന വിവരങ്ങൾ 

2. സൂചനയിലെ പരാതിക്ക് വിഷയത്തിൽ പരാമർശിച്ച സർക്കുലറുകൾ പ്രകാരം നൽകിയ കൈപ്പറ്റ് രസീതിയുടെ വിവരാവകാശ നിയമ പ്രകാരമുള്ള സാക്ഷ്യപ്പെടുത്തിയ പകർപ്പ്

 

3. അങ്ങയുടെ കാര്യാലയത്തിൽ ലഭ്യമായ ഇപ്പോൾ ഉപയോഗിക്കുന്ന കൈപ്പറ്റ് രസീതി ബുക്കിൻറെ നമ്പറും പ്രസ്തുത ബുക്കിൽ നിന്നും അവസാനമായി നൽകിയ രസീതിയുടെ വിവരാവകാശ നിയമ പ്രകാരമുള്ള സാക്ഷ്യപ്പെടുത്തിയ പകർപ്പും 

4. സൂചനയിലെ പരാതിയിൽ സ്വീകരിച്ച നടപടികൾ വ്യക്തമാക്കുന്ന വിവരങ്ങളും രേഖകളുടെ വിവരാവകാശ നിയമ പ്രകാരമുള്ള സാക്ഷ്യപെടുത്തിയ പകര്‍പ്പുകളും 

 

5. പൊതുഭരണ(ഏകോപന)വകുപ്പിന്‍റെ 19/05/2011 തിയ്യതിയിലെ 18825/സി.ഡി.എന്‍ 3/10 പൊ.ഭ.വ സര്‍ക്കുലര്‍ പ്രകാരം സൂചനയിലെ പരാതിക്ക് നല്‍കിയ രസീതിയുടെ വിവരങ്ങളും രേഖകളുടെ വിവരാവകാശ നിയമ പ്രകാരമുള്ള സാക്ഷ്യപെടുത്തിയ പകര്‍പ്പുകളും 

 

6. സൂചനയിലെ പരാതിക്ക് രസീതി നല്‍കിയിട്ടില്ല എങ്കില്‍ അതിന്‍റെ കാരണം വ്യക്ത മാക്കുന്ന വിവരങ്ങളും അതിനെതിരെ പരാതി ബോധിപ്പിക്കേണ്ട മേലധികാരിയുടെ പേരും ഉദ്യോഗപ്പേരും ഓഫീസ് വിലാസവും മൊബൈൽ നമ്പറും വ്യക്തമാകുന്ന വിവരങ്ങളും  (സര്‍ക്കാര്‍ കാലാകാലങ്ങളില്‍ നല്‍കുന്ന നിര്‍ദേശങ്ങള്‍ അടങ്ങിയ സര്‍ക്കുലറുകള്‍ പ്രകാരം നടപടികള്‍ സ്വീകരിക്കല്‍ എല്ലാ പൊതുഅധികാരികളുടെയും നിയമ പരമായ ബാധ്യതയാണ്, സര്‍ക്കുലറുകളിലെ നിര്‍ദേശങ്ങള്‍ ലംഘിക്കുന്നത് ശിക്ഷാര്‍ഹവുമാണ്)

 

7. സൂചനയിലെ പരാതിയിൽ ഉദ്യോഗസ്ഥ ഭരണപരിഷ്കാര വകുപ്പ് സര്‍ക്കുലര്‍ നമ്പര്‍ 11433/എ.ആര്‍13(2)/2015/ഉഭപവ 2015 ജൂലൈ 16 പ്രകാരം നടപടികള്‍ സ്വീകരിച്ച് സര്‍ക്കുലറില്‍ പറയുന്ന ഒരു മാസ സമയ പരിധിയില്‍ പരാതിക്കാരന് മറുപടി നല്‍കിയിട്ടുണ്ടോ എന്ന് വ്യക്തമാക്കുന്ന വിവരങ്ങളും രേഖകളുടെ വിവരാവകാശ നിയമ പ്രകാരമുള്ള സാക്ഷ്യപെടുത്തിയ പകര്‍പ്പുകളും,  

 

8. പരാതിക്കാരന് ഒരു മറുപടിയും നല്‍കിയിട്ടില്ല എങ്കില്‍ അതിന്‍റെ കാരണം വ്യക്തമാക്കുന്ന വിവരങ്ങളും വിവരാവകാശ നിയമ പ്രകാരം രേഖകളുടെ സാക്ഷ്യപെടുത്തിയ പകര്‍പ്പുകളും, (ഭരണപരമായ തീരുമാനത്തിനുള്ള കാരണങ്ങള്‍ ബാധിക്കപെടുന്ന വ്യക്തികള്‍ക്ക് അതിന്‍റെ വിവരം നല്‍കുന്നതിന് വിവരാവകാശ നിയമം, നിയമത്തിലെ 4(1d) വകുപ്പ് ഓരോ പൊതുഅധികാര സ്ഥാനത്തെയും ചുമതലപെടുത്തുന്നുണ്ട്, ആയതിനാല്‍ ഈ വിവരങ്ങള്‍ അറിയാന്‍ അപേക്ഷകന് നിയമ പരമായ അവകാശമുണ്ട്, (Sathyan A.V. Govt. of Kerala and another -2008 (4) KHC 120:2008(3) KLJ 532: 2008(4) KLT SN 40).)

 

9. സൂചനയിലെ പരാതി ഉദ്യോഗസ്ഥ ഭരണപരിഷ്കാര വകുപ്പ് സര്‍ക്കുലര്‍ നമ്പര്‍ 11433/എ.ആര്‍13(2)/2015/ഉഭപവ 2015 ജൂലൈ 16 പ്രകാരം നടപടികള്‍ സ്വീകരിച്ച് സര്‍ക്കുലറില്‍ പറയുന്ന മൂന്ന് മാസസമയ പരിധിയില്‍ പരാതിക്കാരന് അന്തിമ തീര്‍പ്പുണ്ടാക്കി നല്‍കിയിട്ടുണ്ടോ എന്ന് വ്യക്തമാകുന്ന വിവരങ്ങളും രേഖകളുടെ വിവരാവകാശ നിയമ പ്രകാരം സാക്ഷ്യപെടുത്തിയ പകര്‍പ്പുകളും,

  

10. പരാതിക്കാരന് അന്തിമ തീര്‍പ്പ്‌ നല്‍കിയിട്ടില്ല എങ്കില്‍ അതിന്‍റെ കാരണം വ്യക്തമാക്കുന്ന വിവരങ്ങളും വിവരാവകാശ നിയമ പ്രകാരമുള്ള രേഖകളുടെ സാക്ഷ്യപെടുത്തിയ പകര്‍പ്പുകളും, (സര്‍ക്കാര്‍ കാലാകാലങ്ങളില്‍ നല്‍കുന്ന നിര്‍ദേശങ്ങള്‍ അടങ്ങിയ സര്‍ക്കുലറുകള്‍ പ്രകാരം നടപടികള്‍ സ്വീകരിക്കല്‍ എല്ലാ പൊതുഅധികാരികളുടെയും നിയമ പരമായ ബാധ്യതയാണ്, സര്‍ക്കുലറുകളിലെ നിര്‍ദേശങ്ങള്‍ ലംഘിക്കുന്നത് ശിക്ഷാര്‍ഹവുമാണ്)

11. സൂചനയിലെ പരാതി പരിഗണിച്ച അല്ലെങ്കിൽ പരിഗണിക്കാൻ നിയമപരമായ ബാധ്യതയുള്ള പൊതു അധികാരികളുടെ പേരുകളും ഉദ്യോഗപ്പേരുകളും ഓഫീസ് വിലാസങ്ങളും മൊബൈൽ നമ്പറുകളും വ്യക്തമാകുന്ന വിവരങ്ങളും 

12. അംഗപരിമിതർക്കും രോഗികൾക്കും മറ്റു ശാരീരിക പ്രയാസങ്ങൾ നേരിടുന്നവർക്കും അങ്ങയുടെ കാര്യാലയത്തിൽ പ്രത്യേകമായി ലഭിക്കുന്ന സേവനങ്ങളുടെ വിവരങ്ങളും ഈ സേവങ്ങൾക്കായി സമീപിക്കേണ്ട പൊതു അധികാരികളുടെ പേരുകളും ഉദ്യോഗപ്പേരുകളും ഓഫീസ് വിലാസങ്ങളും മൊബൈൽ നമ്പറുകളും വ്യക്തമാകുന്ന വിവരങ്ങളും   

     പൊതു ജനത്തിൻറെ നികുതി പണമായ സര്‍ക്കാര്‍ പൊതുമുതലില്‍ നിന്നും നല്‍കുന്ന തുകക്ക് ആനുപാതിക മൂല്യമുള്ള സേവനങ്ങള്‍ പൊതുജനത്തിന് പൊതുസേവകരില്‍ നിന്നും പൊതുസംവിധാനങ്ങളില്‍ നിന്നും ലഭിക്കുന്നില്ല എന്ന വസ്തുത പുറത്ത് കൊണ്ട് വരിക എന്ന ഉദ്യേശ്യമല്ലാതെ നേരിട്ടോ അല്ലാതെയോ മറ്റു താല്‍പര്യങ്ങള്‍ ഒന്നും തന്നെ അപക്ഷകന്‌ ഇല്ല,

    ജന്മംകൊണ്ട് തന്നെ ഇന്ത്യന്‍ പൗരനായ അപേക്ഷകന് ഈ വിവരങ്ങളുടെ പ്രാപ്യത അനിഷേധ്യമായ പൗരാവകാശമാണ്, ഭരണപരമായ തീരുമാനത്തിനുള്ള കാരണങ്ങള്‍ ബാധിക്കപെടുന്ന വ്യക്തികള്‍ക്ക് അതിന്‍റെ വിവരം നല്‍കുന്നതിന് വിവരാവകാശ നിയമം, നിയമത്തിലെ 4(1d) വകുപ്പ് ഓരോ പൊതുഅധികാര സ്ഥാനത്തെയും ചുമതലപെടുത്തുന്നുണ്ട്, ആയതിനാല്‍ ഈ വിവരങ്ങള്‍ അറിയാന്‍ അപേക്ഷകന് നിയമ പരമായ അവകാശമുണ്ട്, (Sathyan A.V. Govt. of Kerala and another -2008 (4) KHC 120:2008(3) KLJ 532: 2008(4) KLT SN 40),

   പൗരാവകാശമായ സുരക്ഷിതമായി ജീവികാനും സഞ്ചരിക്കാനുനുമുള്ള അവകാശം ഉറപ്പു വരുത്തുന്നതിനും അതിനായി ചിലവഴിക്കപെട്ട പൊതുമുതലിന്‍റെ കാര്യക്ഷമമായ വിനിയോഗവും മറ്റു സേവനങ്ങളും സമയ ബന്ധിതമായി ലഭിക്കുക എന്നതും അതില്‍ വരുന്ന വീഴ്ചകള്‍ പുറത്ത് കൊണ്ടുവരിക, പൊതു ജനത്തിന്‍റെ ന്യായമായ നീതിയും സംരക്ഷണവും നല്‍കേണ്ട പൊതുഅധികാര സ്ഥാനങ്ങള്‍/സംവിധാനങ്ങള്‍ ശക്തിപെടുത്തുക എന്നതും ഏതൊരു പൗരന്‍റെയും ബാധ്യതയാണ് 

   പൗരജനത്തിന് അവകാശങ്ങൾ മാത്രല്ല കടമകളുമുണ്ട് സർക്കാർ നിർദേശങ്ങൾ പാലിക്കാതെ പൊതുഅധികാര സ്ഥാനങ്ങൾ നടത്തുന്ന അഴിമതികൾ പുറത്തു കൊണ്ട് വരിക എന്നത് പൗരൻറെ മൗലികമായ കടമയാണ് ആയതിനാല്‍ ഈ അപേക്ഷയില്‍ ആവിശ്യപെട്ടിരിക്കുന്ന വിവരങ്ങളില്‍ വലിയതോതില്‍ പൊതുതാല്‍പര്യം അടങ്ങിയിരിക്കുന്നു 

      ഈ അപേക്ഷയില്‍ ആവിശ്യപെട്ടിരിക്കുന്ന വിവരങ്ങള്‍ മറ്റൊരു പൊതുഅധികാരസ്ഥാനത്തിന്‍റെ കൈവശത്തിലാണ് എങ്കിലും പ്രതിപാദ്യ വിഷയം മറ്റൊരു പൊതുഅധികാരസ്ഥാനത്തിന്‍റെ ചുമതലകളുമായി കൂടുതല്‍ ബന്ധപെട്ടിരിക്കുകയാണ് എങ്കിലും ഈ അപേക്ഷയോ മറ്റ് പൊതു അധികാരസ്ഥാനത്തിന് യോജ്യമായേക്കാവുന്ന ഭാഗമോ ആ പൊതു അധികാരസ്ഥാനത്തിന് കൈമാറ്റം ചെയ്യേണ്ടതും അത്തരം കൈമാറ്റത്തെ കുറിച്ച് വിവരാവകാശ നിയമം 6(3) പ്രകാരമുള്ള സമയപരിധിയില്‍ തന്നെ അപേക്ഷകനെ വിവരം അറിയിക്കേണ്ടതുമാണ്

എന്ന്